lunes, 30 de noviembre de 2009

Jello Biafra eta The Guantanamo School Medicine, Bilboko Kafe Antzokian

Jello Biafra lehenengoz izango dugu Bilbon. Punk mugimenduaren bilakaera ulertzeko ezinbesteko gizona da Biafra. Zuzenean izango da bere super talde berriarekin: Kimo Ball (Freak Accient), Ralph Spight (Victims Family), John Weiss eta Andrew Weiss (Rollins Band, Butthole surfers) dira taldekideak. Bira honetan bere ibilbideko abesti ezberdinak joko ditu, Dead kennedys zein Melvins edo D.O.A. garaikoak eta baita bere lan berriko kantuak ere.

Hauekin batera, Estricalla taldea egongo da. Seguruenik Estricalla momentuko hardcore talderik interesgarriena izango da. Fernandok -Kuraia eta El Corazon Del Sapo- taldeko kantariak Kloakao taldeko lagunekin bat egin eta sortu duen proiektua dugu honakoa. Hardcore indartsu eta arina uztartzen duen taldea dugu berau, joan den udan 6 abestiz osaturiko biniloa plazaratu zuten.

Sarrerak Kafe Antzokian eta www.kafeantzokia.com, Street Warriors denda (Ronda 17) eta Basterra taberna (Barakaldo) erosi daitezke. Aurresalmentan 20 € ordaindu behar dira eta txarteldegian egunean bertan 24 €.


No hay comentarios:

Publicar un comentario